كلنا بنحب البطاطس المقلية وخصوصا الاطفال قبل الكبار واوقات بنلاقيها في السوق و تكون مسكرة و نضطر نشتريها نصف مقلية و بتكون غالية هقولكو بقي طريقة سهله لتخزنها عندك فى ناس بتقيلها نص قلية وتشيلها فى اكياس فى الفريزر وترجع تكمل قليها بعد ما تطلعها وقت الاحتياج والطريقة دى بتخلى البطاطس تشرب زيت كتير وده مش صحى لكن بطريقة تيتة أوزي هاخزنها للقلي و الطهي هانجيب البطاطس و بعد تقشيرها و غسلها نقطع كميه منها صوابع للقلي و كميه حلقات لعمل صنية و كمية بنقعها مرعات صغيرة لعمل البطاطس البوريه و بعد ما نقطع البطاطس نسلقها لمدة 5 دقايق تقريبا فى ميه بتغلى على النار وعليها ربع كوب خل بعد ما البطاطس تاخد غلوة واحدة تقريبا نصفيها فى مصفى ونعبيها فى الاكياس وبلاش نعبيها على بعض فى الكيس علشان يسهل فصلها من بعض و نطلعها وقت الاستخدام علي الزيت السخن عالطول و غطى الطاسة علشان تستوي اسرع وكمان نحافظ على نظافة المطبخ من طرطشه الزيت
إضافة تعليق