وقت التحضير
10 دقيقة
وقت الطهي
30 دقيقة
عدد الافراد
15
جربي طريقة عمل الأرز باللبن الكريمي من شملولة كوجبة مفيدة لطفلك.
المقادير
- اربع كوب ارز
- كوب سكر
- 4 كوبايات ميه
- 4 كوبايات حليب
- 4 معالق لبن بودره
- 6 معالق كبيره كريم شانتيه بودره
- معلقتين كبار نشا
- فانيليا
خطوات التحضير
- ذوبي النشا في نص كوباية ماية باردة.
- ذوبي الحليب البودرة في باقي كمية الحليب.
- نحط الميه على الرز ونسيبهم على النار لحد ما ينفش ويكتر ويستوى وتقريبا هيشرب ميته كلها.
- هاتى كوباية السكر بتاعتك وحطيها على الرز وقلبى هتلاقيها دابت خالص.
- حطى الحليب والفانيليا واللبن البودره وقلبى كويس وسيبيه ياخد غلوه وبعدين ضيفى الكريم شانتيه الباودر او تكونى مددوباه الاول فى شوية حليب صغيرين.
- سيبيه كله على النار لحد ما يغلى وارز يتشرب اغلب الحليب ويتخن معاكى شويه تقومى نازله بالنشا اللى انتى مدوباه شويه بشويه لحد ما يلف معاكى وما تخليهوش يتماسك اوى منك فى الحله.
- اطفى عليه واغرفيه فى اطباق وممكن تغرفى شويه منه فى طاجن وتحطى على وشه قشطه وتدخليه الفرن ربع ساعه تكونى مشغله الفرن من تحت وبعد كده ولعى الشوايه ياخد لون.
- والاطباق زينيها براحتك مكسرات وزبيب وعلى الثلاجه... وبصحة وهنا.
إضافة تعليق