أسهل طريقة لعمل الحلبسة المصرية

المقادير

• 2 كوب حمص
• 1 حبة كبيرة بصل
• 5 فصوص ثوم
• 1 حبة كبيرة طماطم
• ملح
• للتقديم : كمون وشطة وعصير ليمون

خطوات التحضير

1. اول حاجة الحمص يتغسل كويس، ويتنقع في ماية لمدة ليلة كاملة
2. نكب الماية الي الحمص كان منقوع فيها ونحطه في حلة ونحطله ماية نظيفة
3. نحط البصل والثوم والطماطم مع شوية ماية في الخلاط ونضربهم كويس قوي
4. نصب الخليط ده على الحمص بس بعد ما نصفيه كويس علشان ما يبقاش في حاجة تعكر ماية الحمر
5. يعني هناخد العصير المتصفي، ونرمي باقي الحاجات لان كدا هنكون خدنا النكهة الي عاوزنها كلها
6. وممكن نحط معلقة صلصة طماطم علشان لونه يبقى احلى
7. الاول نحط الحمص مع الماية النظيفةعلى نار عالية لحد ما يطلع ريم ابيض كدا نشيله كذا مرةلحد لما يبطل يطلع تاني
8. نحط العصير الي عملاناه ، ونسيبه لحد ما يستوي
9. نحط الملح، ونقلبه كويس
10. نحطه في الكوبيات، ونحط عليه كمون وعصير ليمون وشطة ، ونقدم الحلبسة 
11. وبصحة وهنا