ريد فلفت كيك لخبيرة الطهى باكينام عبدون

المقادير

• 250جرام دقيق
• 2 ملعقة كبيرة كاكاو
• 113 جرام زبدة بدرجة حرارة الغرفة
• 220 جرام سكر
• 2 بيضة كبيرة
• ملعقة صغيرة فانيليا
• رشة ملح
• ملعقة صغيرة بيكنج صودا
• ملعقة صغيرة خل
• لبن للعجن تقريبا كوب
• 2 ملعقة صغيرة لون احمر

الحشوة :

• 500 جرام جبنة كريمى
• 115 جرام سكر بودرة
• 370 ملل كريمة مخفوقة
• ملعقة صغيرة فانيليا

خطوات التحضير

1. فى طبق نخلط الدقيق والكاكاو واللون الاحمر .
2. فى العجانة نضرب الزبدة والسكر وننزل عليهم بالبيض واحدة واحدة والفانيليا مع استمرار الخفق .
3. نبدأ ننزل خليط الدقيق على خليط البيض واحدة واحدة وننزل معه باللبن واحدة واحدة حتى ينتهى خليط الدقيق .
4. فى طبق صغير نضع ملعقة البيكنج صودا وعليهم الخل .
5. وننزل بها على خليط الكيك وننزله فى القالب المدهون بزبدة ودقيق وندخله على فرن ساخن على درجة حرارة 180 حتى تستوى .
6. الحشوة:
7. نضرب الجبنة مع السكر و ننزل الفانيليا ونضرب ، ثم ننزل الكريمة و نضرب حتى يتماسك القوام .
8. نترك الكيك تبرد تماما ، ثم نبدأ نقسمها ونحشيها ونزينها بنفس الكريمة او بعجينة السكر حسب الرغبة ونضعها فى الثلاجة حتى التقديم ونقدمها .